ABŞ-nin vitse-prezidenti C.D. Vens bildirib ki, bəzi şəxslər prezident Donald Trampın İranla bağlı müəyyən etdiyi məqsədləri dəyişdirməyə çalışırlar, lakin Tramp buna imkan verməyib.
Sitat.info xəbər verir ki, Vensin sözlərinə görə, Trampın əsas məqsədləri İranın hərbi imkanlarını zəiflətmək, güc nümayiş etdirmə qabiliyyətini aradan qaldırmaq və Tehranın heç vaxt nüvə silahına sahib olmamasını təmin etməkdir.
O qeyd edib ki, ABŞ diplomatik, iqtisadi və hərbi sahələrdə ciddi təsir yaradıb və bu imkanlardan Amerika xalqının maraqları naminə istifadə etməyə çalışır.
Vens əlavə edib ki, İranla bağlı proses hələ başa çatmayıb, lakin indiyədək əldə olunan nəticələr müsbətdir.
Aytac,
Sitat.info