“Münaqişə onilliklərdir davam edir və onu hər hansı şəkildə başa çatdırmaq lazımdır”.
“Sitat.info” xəbər verir ki, bunu Rusiya Prezidenti Vladimir Putin Soçidə Ermənistanın Baş naziri Nikol Paşinyanla görüşündə deyib.
“İrəli getməyimizə imkan verəcək əsas məqamları tapmaq lazımdır”, - deyə Putin əlavə edib.
Putin Soçidəki danışıqların cari vəziyyəti müzakirə etmək üçün daha bir imkan olacağına ümid etdiyini qeyd edib: “Zənnimcə, hazırda ən vacibi sülhə nail olmaq və iqtisadi inkişaf üçün şərait yaratmaqdır. Ümid edirəm ki, bu gün baş tutacaq görüşün yekununda irəli addım atmağa nail olacağıq”.