Çin lideri Xi Jinping və ABŞ prezidenti Co Baydenin Balidə çoxdan gözlənilən görüşü baş tutub.
Sitat.info Reutersə istinadən xəbər verir ki, iki ölkə arasında münasibətlər son onilliklərin ən aşağı səviyyəsindədir və Tayvan məsələsindən tutmuş ticarətə qədər məsələlərdə fikir ayrılıqları yaranıb.
Görüşün əvvəlində ölkə liderləri Çin və Amerika bayraqları önündə gülümsəyərək əl sıxıblar.
Bayden, şəxsi və dövlət səviyyəsində açıq münasibətə, görüşlərə razı olduğunu bildirib.
"Ölkələrimizin liderləri olaraq, Çin və ABŞ-ın fikir ayrılıqlarını idarə edə biləcəyimizi, rəqabətin münaqişəyə çevrilməsinin qarşısını ala biləcəyimizi və qarşılıqlı əməkdaşlıq tələb edən aktual qlobal məsələlərdə birgə işləməyin yollarını tapa biləcəyimizi göstərmək razılaşacağımıza inanıram".
O, həmçinin dünyada iqlim dəyişikliyi və ərzaq təhlükəsizliyi problemlərinə toxunub.
Xi Jinping isə deyib ki, iki ölkə arasında münasibətlər qlobal gözləntilərə uyğun deyil.
"Buna görə də biz Çin-ABŞ münasibətləri üçün düzgün kursu müəyyənləşdirməliyik. İkitərəfli münasibətləri inkişaf etdirmək və onları yeni səviyyəyə çıxarmaq üçün düzgün istiqamət tapmalıyıq".
"Dünya Çin və ABŞ-dan münasibətləri düzgün idarə etmələrini gözləyir" deyən Jinping münasibətləri yenidən yoluna qoymaq üçün Baydenlə işləməyi səbirsizliklə gözlədiyini bildirib.
Tayvan məsələsinin, Ukrayna və Şimali Koreyanın nüvə ambisiyalarının əsas müzakirə mövzusu olacağı gözlənilir.
Nərgiz,
SİTAT.İNFO