Bu gün səhər saatlarında Şəmkir rayonunun Zəyəm Cırdaxan kəndində qaz sızması partlayışa səbəb olub. Partlayış nəticəsində bir neçə gün sonra toyları olacaq çütlüklər ağır yanıq xəsarətləri alıb.
Noyabrın 20 -i toyları planlaşdırılan cütlük evdə baş verən yanğında ağır yanıq xəsarətləri alıblar.
Partlayış zamanı rayon sakinləri 24 yaşlı Elmar İsmayılov və 18 yaşlı Nərmin Cəfərova ağır yanıq xəsarətləri alaraq xəstəxanaya yerləşdirilibər.
Şəmkir Rayon Xəstəxanasında yaralılara ilkin tibbi yardım göstərilib.
Onların vəziyyətləri ağır olduğundan paytaxta ixtisaslaşdırılmış tibb məntəqəsinə göndəriliblər. Hadisənin qaz sızmasından baş verdiyi güman edilir. İlkin ehtimala görə, Elmar İsmayılov yataq ortağında siqareti yandıran zaman qəfildən partlayış qeydə alınıb. Hadisənin baş verməsinin dəqiq səbəbləri araşdırılır.