Azərbaycan Yüksəliş Partiyası Başqanlıq Heyəti üzvləri Ankarada Türkiyə Böyük Millət Məclisinin Türkiyə-Azərbaycan dostluq qrupunun sədri Şamil Ayrımı evində ziyarət ediblər.
Sitat.info xəbər verir ki, Başqanlıq Heyətinin üzvləri Aqil Dadaşzadə, Vasif İsmayıl, Rəşad Bakuvi, Aynur Qəzənfərqızı və Gülşən Hacıyeva müalicəsini evində davam etdirən Şamil Ayrımla səmimi söhbət ediblər. Görüş zamanı AY Partiya Başqanı Anar Əsədli ilə Şamil Ayrımın telefon bağlantısı qurulub.
Sonra Anar Əsədlinin hədiyyəsi Şamil Ayrıma təqdim olunub.
Millət vəkilinin özü və həyat yoldaşı Gülnihan xanımın qonaqpərvərliyindən məmnun qalan AY Partiya təmsilçiləri görüşdən xoş təəssüratla ayrılıblar.
