Naxçıvanla bağlı VACİB DƏYİŞİKLİK - VİDEO

20:43 8 Dekabr 2022

"Son 1 ay Azərbaycanda baş verən institutisional dəyişikliklər, yəni Naxçıvan Muxtar Respulikasının Gömük Komitəsinin və Dövlət Təhlükəsizliyi Xidmətinin ləğv edilərək əvəzində baş idarələrin yaradılması gələn ilin dövlət büdcəsində əhəmiyyətli dəyişikliyə səbəb olacaq".

SİTAT.İNFO xəbər verir ki, bu fikirləri XəzərTV-yə açıqlamasında Milli Məclisin İqtisadi siyasət, sənaye və sahibkarlıq komitəsinin sədri Tahir Mirkişili deyib.

O deyib ki, bundan sonra Naxçıvanda gömrük rüsumları Muxtar Respublikaya deyil, birbaşa mərkəzi büdcəyə yönəldiləcək.

T.Mirkişili əlavə edib ki, dövlət büdcəsinin gəlirləri 30 milyard 773 milyon manata yaxın olacaq. Xərclər isə 33 milyard 353 milyon mananat olacaq.

Azərbaycanda inflyasiyanın qarşısını almaq üçün hökümət tərəfindən müəyən tədbirlərin görüldüyünə diqqət çəkən Tahir Mirkişili qeyd edib ki, buna baxmayaraq, bu ilin sonuna orta illik inflyasiya təxminən 14 faizə yaxın olacaq.

Tahir Mirkişili qeyd edib ki, yaşayış minimumu 2023-cü ildə bu ilə nisbətən 36 manat artırılacaq.

Qeyd edilib ki, hazırda bu rəqəm 210 mantdır. Gələn ildən isə yaşayış minimumu 246, əmək qabiliyyətli əhali üçün 261, pensiyaçılar üçün 199, uşaqlar üçün 220 manat məbləğində müəyyən edilib.



Xəbər xətti