"Səhər tezdən sülhməramlıların qəribə proses apardığını müşahidə etməyə başladıq. Onlar Xankəndi istiqamətində iki böyük konteyneri kranla gətirərək yolun ortasına qoyub qurmağa başladılar".
Zamex.az -da yeni fürsətlər...
Bu sözləri Sitat.info-ya açıqlamasında Xankəndi yolunun üstündə keçirilən aksiyanın iştirakçısı jurnalist Elşad Məmmədli deyib.
O qeyd edib ki, bunu nə məqsədlə istifadə edəcəkləri də bəlli deyil: "Ehtimal ki, içəridə dincəlmək, qızınmaq üçün şərait qurublar. Faktiki olaraq yolu özləri də Xankəndi istiqamətində bağlayıblar. Bununla nəyə nail olmaq istəyirlər, məqsədləri nədir -bunu bilmirik".
E.Məmmədli vurğulayıb ki, aksiya öz mütəşəkkilliyi ilə davam edir: "Vətəndaş cəmiyyəti institutunun yeni simaları aksiyaya qatılır, gənclər təşkilatları bizə qoşulur. Hələlik hansısa qarşıdurma yoxdur, sülhməramlılar da hər hansı təxribata yol vermirlər. Sadəcə konteynerləri quraşdırmaları bizi narahat edir, heç bir açıqlama da vermirlər ki, bu nə üçündür".
Nərgiz,
SİTAT.İNFO
