Berlin "Dom Aquaree" parkında nəhəng akvariumu partlayıb və ətrafa ciddi ziyab vuran hadisə nəticəsində 2 nəfər yaralanıb.
Sitat.info xarici mediaya istinadən xəbər verir ki, silindr formalı 25 metr hündürlüyə olan və içində 1 milyon litr su olan akvariumda müxtəlif növ 1500 balıq olub. Onlar sırasında nadir tropik balıq növləri də yer alıb. Balıqların hamısının tələf olduğu bildirilir.
Hadisə yerinə 100-dən çox təcili yardım işçisi gəlib. Qeyd edək ki, akvairumun suyu küçəyə axdığından yol avtomobillərin hərəkəti üçün qapadılıb.
Hadisənin hansı səbəbdən baş verdiyi hələ ki məlum deyil. Versiyalardan birinə görə, akvarium hava temperaturunun enməsi səbəbindən çatlayıb, daha sonra isə partlayıb.
İnsident nəticəsində iki nəfər yüngül xəsarət alıb.
Səid İsaoğlu,
Sitat.info
Qeyd edək ki, sözügedən akvarium Berlində Aleksanderplats meydanına yaxın hotellərdən birində yerləşir.