Pakistan hökuməti Hindistanı təhdid edib. Pakistan hökumətinin naziri Şazia Marri Hindistanın Pakistanın atom bombasına sahib olduğunu unutmaması lazım olduğunu və lazım gələrsə ondan istifadə etməkdən çəkinməyəcəklərini bildirib.
Sitat.info xarici mediaya istinadən xəbər verir ki, bundan öncə də Pakistan xarici işlər naziri Bilaval Bhutto Zərdari Hindistanın baş naziri Narendra Modini "Qucarat qəssabına" bənzədib. O, dekabrın 16-da ABŞ-ın Nyu-York şəhərində verdiyi bəyanatda Hindistanın baş naziri Narendra Modini “Qucarat qəssabı” adlandırıb.
Zərdarinin açıqlamalarına Hindistandan reaksiya gəlib, bəzi şəhərlərdə etiraz aksiyaları keçirilib. Belə ki, Qucaratın baş naziri dövründə Narendra Modi 2002-ci ildə əksəriyyəti müsəlman olmaqla 2000-dən çox insanın ölümünə səbəb olan iğtişaşların qarşısını almamaqda ittiham olunurdu.
Nərgiz,
SİTAT.İNFO