"Mən də bunun əksini deyə bilərəm ki, Rusiyanın Dağlıq Qarabağdakı sülhməramlı kontingenti öz missiyasını yerinə yetirir".
Sitat.info erməni mediasına istinadən xəbər verir ki, bunu həftəlik brifinqdə Rusiya Xarici İşlər Nazirliyinin sözçüsü Mariya Zaxarova Ermənistanın baş naziri Nikol Paşinyanın Rusiya sülhməramlılarının öz öhdəliklərini yerinə yetirməməsi ilə bağlı bəyanatını şərh edərkən deyib.
Zamex.az - Sizin sürətli və ucuz karqonuz....
“Addımlar atılır, vəziyyətin sabitləşməsi üçün işlər aparılır. Bilməyənlər və ya siyasi bəyanatları rəhbər tutanlar üçün xatırlatmaq istərdim ki, bundan əvvəl də bir neçə dəfə gərginlik olub, problemlər olub, tərəflər bir-birini günahlandırıblar. Rusiya sülhməramlıları vəziyyətin sabitləşməsi üçün hər şeyi ediblər, sonra normal vəziyyət yaranıb və sülhməramlılar uğur qazanıblar. Ona görə də sülhməramlılarımıza qarşı belə münasibət qəbul olunmur”, - Zaxarova bildirib.
Səid İsaoğlu,
Sitat.info