İsraildə Benyamin Netanyahunun rəhbərliyi altında qurulan yeni hökumətlə işləməyi səbirsizliklə gözlədiyini deyən ABŞ prezidenti Co Bayden, ABŞ-ın İsrail və Fələstin arasındakı hər iki dövləi təhlükə altına salacaq gərginliyə qarşı çıxacağını deyib.
Sitat.info xəbər verir ki, Benyamin Netanyahunun rəhbərlik etdiyi yeni hökumət təsdiqləndikdən sonra ABŞ prezidenti Co Bayden yazılı açıqlama verib.
"Mən onilliklərdir dostum olan Baş nazir Netanyahu ilə İsrail və Yaxın Şərq regionunun üzləşdiyi çoxsaylı problemlərlə, o cümlədən İrandan gələn təhdidlərlə birgə mübarizə aparmağı səbirsizliklə gözləyirəm", - ABŞ lideri bildirib.
ABŞ-ın daha inteqrasiyalı, firavan və təhlükəsiz Yaxın Şərq üçün çalışdığını vurğulayan Bayden, bu vizyonu dəstəkləmək üçün İsrail, Fələstin və digər regional tərəfdaşlarla birlikdə çalışdıqlarını və Baş nazir Netanyahunun başçılıq etdiyi yeni İsrail hökuməti ilə bunu davam etdirməyi hədəflədiklərini bildirdi.
Nərgiz,
SİTAT.İNFO