Davosda keçirilən Dünya İqtisadi Forumunun iştirakçıları qarşısında videobağlantı vasitəsilə danışan Ukrayna Prezidenti Vladimir Zelenski qışın başlamasının Rusiyaya qarşı müharibədə irəliləyişi ləngitdiyini deyib.
"Müharibə yaxşı deyil, qışda isə səngiyir. Hamı yorulur - təbiət də, insanlar da, Allaha şükür, düşmən də".
Sitat.info CNN-ə istinadən xəbər verir ki, Ukrayna prezidenti Donbasda gündəlik döyüşlər və irəliləyişin necə səngidiyi barədə danışıb, əlavə edib ki, ukraynalılar güclüdür və Rusiyanın işğalına qarşı birləşirlər.
"Biz güclü, qətiyyətliyik. Bütün döyüşçülərimizə, yaşayanlara və itirdiklərimizə göstərdikləri cəsarətə görə minnətdaram. Həqiqətən çətindir, amma biz həm də millətin daxilində güclüyük... Biz birik, təşkilatlanmışıq, çünki Biz motivasiyalıyıq. Müharibəni biz başlamamışıq, amma onu biz bitirməliyik”, - deyə Zelenski vurğulayıb.
O, həmçinin Qərb müttəfiqlərinə hərbi və iqtisadi dəstəyə görə təşəkkür edib və əlavə yardımın Ukraynanın bu müharibədə qələbəsini təmin edəcəyini bildirib.
Sevinc,
Sitat.info