Azərbaycanda “Omicron” ştamının yeni altnövü olan “Kraken”ə yoluxan yoxdur.
Bu barədə “Sitat.info”nun sorğusuna cavab olaraq Səhiyyə Nazirliyindən məlumat verilib.
Bildirilib ki, hazırda ölkədə COVID-19 virusunun aşkarlanması, virusunun növünün müəyyən edilməsi, həmçinin “Omicron” variantının altnövünün aşkar edilməsi üçün test dəstləri və laboratoriya imkanları mövcuddur: ““Omicron”un yeni ştamı hələ ki, qeydə alınmayıb. Epidemioloji vəziyyət nəzarət altındadır”.
Xatırladaq ki, bir neçə gün əvvəl İcbari Tibbi Sığorta üzrə Dövlət Agentliyi Azərbaycana “COVID-19” virusunun bütün ştamlarını aşkar edə bilən 450 sayda test gətirildiyini açıqlamışdı.