Türkiyə İsveç və Finlandiya ilə üçtərəfli görüş mexanizmini təxirə salmaq qərarına gəlib. Qərardan sonra ABŞ-dan açıqlama verilib.
Sitat.info xəbər verir ki, ABŞ Dövlət Departamentinin sözçüsü Ned Prays danışıqların təxirə salındığına diqqət çəkib. “Biz İsveç və Finlandiyanı NATO-da görmək istəyirik".
Amerika sözçüsünə Finlandiyanın İsveç olmadan NATO-ya daxil olmasının mümkünlüyü barədə də sual verilib. Prays hipotetik suallara cavab verməyəcəyini vurğulayıb. “Bu, gündəmdə olan məsələ deyil".
O, həmçinin deyib ki, həmişə Finlandiya və İsveçin NATO-ya birlikdə qoşulması ilə bağlı müzakirə olub və bunu da görmək istəyirlər.
İsveç və Finlandiyanın NATO-ya daxil olması üçün onlara 30 müttəfiqin parlamentlərinin təsdiqi lazımdır. Türkiyə və Macarıstan istisna olmaqla, bütün NATO müttəfiqlərinin parlamentləri iki Skandinaviya ölkəsinin üzvlüyünə yaşıl işıq yandırıb.
Nərgiz,
Sitat.info