Rusiya Təhlükəsizlik Şurasının sədr müavini Dmitri Medvedev xarici silahların Ukraynaya göndərilməsinin hər gün nüvə apokalipsisini yaxınlaşdırdığını ifadə edərək: "Qiyamətin dörd atlısı yoldadır və hərəkətə davam edir",-deyə bildirib.
Sitat.info xəbər verir ki, Medvedev paytaxt Moskvada rusiyalı jurnalistlərə müsahibəsində cari məsələlərlə bağlı açıqlama verib.
Nüvə müharibəsi ehtimalını dəyərləndirən Medvedev bildirib: "Ukraynaya xarici silahların göndərilməsi son nəticədə nüvə apokalipsisini hər gün yaxınlaşdırır. Bu, baş verəcək demək deyil, amma qiyamətin dörd atlısı yoldadır və davam edir. Buna əmin ola bilərsiniz".
Qeyri-qanuni ilhaq edilmiş Krımın geri alınması ilə bağlı bəyanatlarına toxunan Medvedev bunun “təbliğat” olduğunu bildirib.
"Əgər Krımı ələ keçirmək cəhdləri ilə bağlı ciddi hücumlar olarsa, bu, bütün müdafiə vasitələrindən, o cümlədən nüvə qarşısının alınması doktrinasında nəzərdə tutulan silahlardan istifadəyə səbəb olacaq”, - Medvedev bildirib.
Məğrur
Sitat.info