ABŞ prezidenti Co Bayden Vaşinqtonun bütün imkanlara, o cümlədən nüvə potensialına arxalanaraq, Qarşılıqlı Əməkdaşlıq və Təhlükəsizlik Təminatları Müqaviləsinə əsasən Yaponiyanı müdafiə etmək öhdəliyini ifadə edib.
Sitat.info xəbər verir ki, bu barədə Yaponiya Xarici İşlər Nazirliyinin press-relizində qeyd olunur.
“Bunu nəzərə alaraq, iki lider vəziyyətin inkişafının hər mərhələsində tam ikitərəfli koordinasiyanı təmin etmək niyyətlərini bir daha təsdiqlədilər”, - bəyanatda deyilir.
Bundan əvvəl Yaponiyanın baş naziri Fumio Kişida və ABŞ Prezidenti Co Bayden Rusiya Federasiyasına qarşı sanksiyaları saxlamaq və Ukraynaya yardımı davam etdirmək barədə razılığa gəliblər.
Kişida və Bayden qlobal Cənub ölkələri (ilk növbədə Çin , Hindistan , Braziliya , Cənubi Afrika kimi ən böyük ölkələr ) ilə əməkdaşlığın vacibliyini bəyan ediblər.
Qeyd edək ki, Yaponiyanın baş naziri Fumio Kişida Xirosimada ABŞ Prezidenti Co Bayden ilə görüşüb./ Publika.az