“Hürriyet” qəzetinin köşə yazarı Abdulkadir Selvi prezident seçkilərinin ilk turunda 5,3 faiz səs toplayan Ata İttifaqının namizədi Sinan Oğanı kimin dəstəkləyəcəyi ilə bağlı pərdəarxası məlumatları paylaşıb.
Sitat.info xəbər verir ki, Oğanın prezident seçkilərinin ikinci turunda dəstəkləyəcəyi tərəflə bağlı qərarını bu gün açıqlayacağı gözlənilsə də, “Hürriyet”in köşə yazarı Selvidən diqqətçəkən açıqlamalar gəlib.
"Mənə çatan məlumata görə, Sinan Oğan bu gün seçkilərin ikinci turunda prezident Ərdoğanı dəstəkləyəcəklərini açıqlayacaq. Oğan, Kılıçdaroğlunu terror təşkilatlarının ona dəstəyi səbəbiylə dəstəkləməyəcəyini deyəcək".
Sinan Oğan ilə prezident Ərdoğan arasındakı 4 bəndlik razılaşmanı paylaşan Selvi bu məlumatları paylaşıb:
Sinan Oğan təkcə açıqlama verməyəcək. O, prezident Ərdoğanla əldə etdikləri razılaşmanı açıqlayacaq.
Razılaşmanın 4 bənddən ibarət olduğu bildirilir.
1- Konstitusiyanın ilk dörd maddəsinin dəyişməzliyi. Konstitusiyadakı Türk sözünün tərifini çıxarmaq cəhdlərinə icazə verməmək.
2- Hər cür terror təşkilatı və terrorla mübarizə aparmaq.
3- Sığınacaq axtaranların plan çərçivəsində mərhələli şəkildə göndərilməsi.
4- Beynəlxalq bazarlara uyğun və faiz siyasətlərində daha çevik bir iqtisadi siyasətin hazırlanması.
Nərgiz,
Sitat.info