Kanadada eyni vaxtda yüzlərlə meşədə çıxan yanğınların tüstüsü ABŞ-ın bir neçə şəhərinə də keçib. Səmanı bürüyən narıncı rəngli duman səbəbindən havanın çirklənməsi milyonlarla insanın həyatını təhdid edir.
Sitat.info xarici mediaya istinadən xəbər verir ki, Kanadadan gələn duman Nyu-yorku dünyanın ən çirkli havası olan şəhərlərin siyahısına salıb. Nyu-yorkun havası Hindistanın paytaxtı Dehlinin havası qədər kirlənib.
Hətta Nyu-yorkda bəzi məktəblər hava çirklənməsi səbəbindən tətil edib.
Qeyd edək ki, Kanadada 3.3 milyon hektar meşə sahəsi yanıb, 413 yanğın davam edir. Onlardan 249-u qarşısıalınmaz həddədir.
Səid İsaoğlu,
Sitat.info