Rusiya qoşunları genişmiqyaslı əməliyyatlara başlayandan bəri Ukraynanın paytaxtında 4-ü uşaq olmaqla, 228 nəfər ölüb, 16-sı uşaq olmaqla 912 nəfər yaralanıb.
SİTAT.İNFO Musavat.com-a istinadən bununla bağlı erməni mediasına istinadən xəbər verir.
Kiyev Hərbi Administrasiyasının Telegram kanalındakı məlumatda qeyd olunur ki, ümumilikdə Kiyevdə işğalın əvvəlindən rus qoşunları 36 yaşayış binasına, 5 şəxsi mülkə, 6 məktəbə, 4 uşaq bağçasına ziyan vurub, 57 evdə fasad, eyvan və pəncərələrə ziyan dəyib.
Eyni zamanda qeyd olunur ki, kiçik və orta sahibkarlar Kiyevdə işləməyə qayıdırlar. Paytaxtın bəzi sakit ərazilərində qəhvəxanalar açılıb.
Bundan əvvəl paytaxtın hərbi administrasiyası bəyan etmişdi ki, işğalçılar Kiyev istiqamətində aktiv əməliyyatları davam etdirməkdən imtina etməyiblər.
Həmçinin bildirilib ki, martın 19-da Kiyevdə rus işğalçılarının yeni silah növündən istifadə etməsi faktı qeydə alınıb.