Nigeriyanın Niger əyalətində toydan qayıdanları daşıyan qayığın batması nəticəsində həyatını itirənlərin sayı 103-ə yüksəlib.
Sitat.info xəbər verir ki, Kvara əyalətinin polis sözçüsü Okasanmi Ajayi, Niger çayında toydan qayıdanları daşıyan qayığın batması nəticəsində həyatını itirənlərin sayının 103-ə yüksəldiyini bildirib.
Qəzadan bəzi insanların sağ qaldığını qeyd edən Ajayi, hadisə yerində xilasetmə işlərinin davam etdiyini bildirib.
Qeyd edək ki, ölkə mətbuatının məlumatına görə, iyunun 12-də Niger əyalətində toydan Kvara ştatına getmək üçün qayığa minən 300-ə yaxın insan qayığın ağaca çırpılması nəticəsində batıb.
Kvara əyalətinin qubernatoru Əbdülrəhman Əbdülrazaq çox sayda insanın həyatını itirdiyi bədbəxt hadisəyə görə dərin kədərini ifadə edib.
Seymur Bənnayev
Sitat.info