İyunun 22-i səhər saatlarında SEPAH Kürdüstan əyaləti və İraq sərhədi daxilində kürd silahlı təşkilatlarına qarşı hərbi əməliyyatlar keçirib.
Sitat.info xəbər verir ki, bu barədə SEPAH-a bağlı sosial media kanalları məlumat yayıb.
Məlumatda əməliyyatların hətta İraqın Süleymaniyyə şəhərinə yaxın bölgələrdə də keçirildiyi bildirilir:
“Müxalif təşkilatların yerləşdiyi bölgələr artilleriya atəşinə tutulub. Silahlı təşkilatın Saman İbrahimi və Heyva Sadiqi adlı iki üzvü öldürülüb, bir neçə nəfər yaralanıb”, - məlumatda deyilib.
Qeyd edək ki, son iki həftə ərzində adı çəkilən bölgədə SEPAH və silahlı müxalif təşkilatlar arasında silahlı toqquşmalar baş verir. Müxalif qruplar qarşıdurmalar nəticəsində SEPAH-ın onlarla üzvünün öldüyünü bildirsələr də, rəsmi Tehran iki SEPAH-çının öldürüldüyünü təsdiqləyib.