Vətəndaş şikayəti əsasında saxlanılan sabiq deputat Nazim Bəydəmirli Nərimanov Məhkəməsinə gətirilib.
Sitat.info xəbər verir ki, bu barədə vəkil Aqil Layıc məlumat verib.
Onun sözlərinə görə, Məhkəmə Nazim Bəydəmirli ilə bağlı qərar verəcək:
“Nazim Bəydəmirli Nərimanov Məhkəməsinə aparılır, həbs seçilməsi üçün..”
***
Hədə-qorxu ilə tələb etmədə təqsirləndirilən keçmiş deputat Nazim Bəydəmirlinin barəsində həbs qətimkan tədbiri seçilib.
Bu barədə Nərimanov Rayon Məhkəməsi qərara çıxarıb.
Qərara əsasən, N.Bəydəmirlinin barəsində 4 ay müddətinə həbs qətimkan tədbiri seçilib.
Qeyd edək ki, rəsmi məlumata əsasən, vətəndaş polisə müraciət edərək sabiq deputat N.Bəydəmirlinin onun barəsində rüsvayedici görüntülərin olduğunu qeyd edərək ondan 50 min manat tələb etdiyini bildirib. O, cari il iyunun 24-də sabiq deputata 10 min manat versə də, N.Bəydəmirli qalan məbləği vermədiyinə görə şikayətçini ailəsi ilə şantaj edərək rüsvayedici görüntüləri yayacağını deyib. Daha sonra N.Bəydəmirli bu müraciət əsasında saxlanılıb.