Türkiyə prezidenti Rəcəb Tayyib Ərdoğan Səudiyyə Ərəbistanı, Qətər və Birləşmiş Ərəb Əmirlikləri də daxil olmaqla Körfəz ölkələrinə səfər edəcək.
Sitat.info xəbər verir ki, Rəcəb Tayyib Ərdoğan Litvadan qayıdan təyyarədə Körfəz ölkələrinə səfər edəcəyi ilə bağlı açıqlamalar verib.
Prezident Ərdoğan açıqlamasında bunları deyib:
"Dostlarımı vaxtından əvvəl göndərdim. Onlar Səudiyyə Ərəbistanı, Qətər, Birləşmiş Ərəb Əmirliklərinə səfər ediblər. Nümayəndə heyəti ilə gedəcəyik. Səudiyyə Ərəbistanı, Qətər və Birləşmiş Ərəb Əmirliklərinə səfər etməklə aramızda olan hər cür əlaqələri daha da gücləndirmək istərdik. Əslində bu gün Məhəmməd bin Zayed zəng edib. Onlar təəccüblənirlər. Nə oldu, necə keçdi? Dedik ki, onsuz da çərşənbə günü sizinləyik. Orada bunları ətraflı müzakirə edəcəyik. BƏƏ-yə, Qətərə və Səudiyyə Ərəbistanına gedəcəyik".
Ərdoğan vurğulayıb ki, investisiyaların gerçəkləşməsi gözlənilir: "İlkin səfərlər zamanı dostlarımız müəyyən məlumatlar verdilər. Səfərimiz zamanı Türkiyəyə verəcəkləri dəstəyi şəxsən görmək və yaşamaq imkanımız olacaq. Əvvəl də demişdilər ki, Türkiyəyə ciddi sərmayələr qoymağa hazırdırlar. İnşallah, bu səfərimizlə prosesləri yekunlaşdıracağıq. Bu investisiyalar bizdə də gerçəkləşdirilə bilər, Səudiyyə Ərəbistanında da, Qətərdə də, Birləşmiş Ərəb Əmirliklərində də".
Nərgiz,
Sitat.info