Hindistanın şimalında 2 həftədir təsirli olan güclü yağışlar sel və torpaq sürüşməsinə səbəb olub. Rəsmilərin verdiyi açıqlamada Himaçal-Pradeşdə 88, Uttar-Pradeşdə 12, Yeni Dehlidə 1, Cammu-Kəşmirdə 4 nəfərin öldüyü bildirilib.
Sitat.info xəbər verir ki, yağışlardan ən çox zərər çəkən Himaçal-Pradeşdə körpülər uçub, yollar dağılıb, nəqliyyatın hərəkəti dayanıb. Çandertal bölgəsində əksəriyyəti turist olan 300-ə yaxın insan helikopterlə xilas edilib.
Dövlət fövqəladə hallar rəsmiləri bildiriblər ki, sel və torpaq sürüşmələri nəticəsində ən azı 170 ev dağılıb, 600 ev isə qismən zərər görüb.
Seymur Bənnayev
Sitat.info