ABŞ-ın tropik zəngin bitki örtüyünə malik və quraqlıqdan uzaq olan Havay ştatında 36 nəfərin ölümünə səbəb olan meşə yanğınlarının iqlim dəyişikliyi səbəbindən baş verdiyi bildirilib. Maui adasının meşə sahəsində 3 böyük yanğına görə Maui fəlakət zonası elan edilib.
Sitat.info xəbər verir ki, “New-York Times” qəzetinin xəbərində qeyd olunub ki, Havaydakı meşə yanğınlarının əsas səbəbi iqlim dəyişikliyidir.
Havay və Kolorado Universitetlərinin alimlərinin 2015-ci ildə apardıqları araşdırmaya istinad edərək, Havayda illik orta yağıntının miqdarında uzunmüddətli azalma yaşandığı bildirilib.
1990-cı illərdən etibarən yağışlı mövsümdə alınan yağıntıların miqdarının 31 faiz azaldığı, quraqlıq dövründə alınan yağıntıların isə 6 faiz azaldığı bildirilir.
Seymur Bənnayev
Sitat.info