Avropa Parlamentində yerlərin sayı 705-dən 720-yə qaldırılıb.
Sitat.info xəbər verir ki, Avropa Parlamentinin (AP) Baş Assambleyasında keçirilən səsvermədə Avropa İttifaqı Şurasının 2019-cu ildəki son seçkidən sonra demoqrafik dəyişikliklərə görə AP-dəki millət vəkillərinin sayını 705-dən 720-yə çatdırmaq qərarı qəbul edilib.
Müvafiq olaraq, Aİ-nin 27 ölkəsindən 12-nin deputatlarının sayı artırılıb.
Fransa, İspaniya və Hollandiyanın hər birindən əlavə iki nəfər, Avstriya, Belçika, Polşa, Sloveniya, Slovakiya, Finlandiya, Latviya, İrlandiya və Danimarkanın isə hər biri AP-yə bir deputat göndərəcək.
Qeyd edək ki, AP-nin 5 illik səlahiyyət müddəti üçün seçkilər 6-9 iyun 2024-cü il tarixlərində keçiriləcək.
Seymur Bənnayev
Sitat.info