Xaçmazda ölümlə nəticələnən yol-nəqliyyat hadisəsi olub.
Sitat.info xəbər verir ki, bu gün saat 11:35 radələrində Bakı şəhər sakini Ramil Balamirzəyev Xaçmaz rayonu ərazisində başqasına məxsus VAZ-21043 markalı avtomobilə icazə almadan əyləşərək idarə edib.
Xaçmaz-Niyazoba avtomobil yolu ilə hərəkətdə olarkən yolun sağ kənarında dayanan “Mersedes Ateqo” markalı yük avtomobili ilə toqquşub, nəticədə R.Balamirzəyev aldığı bədən xəsarətləri səbəbindən hadisə yerində ölüb.
Faktla bağlı Xaçmaz Rayon Polis Şöbəsinin istintaq bölməsində cinayət işi başlanılıb, araşdırmalar davam etdirilir.