Zelenski NBC News telekanalının proqramına qatılıb və gündəmlə bağlı sualları cavablandırıb.
Sitat.info xəbər verir ki, İsrailin Qəzzaya hücumları ilə bağlı sualı cavablandıran Zelenski, sözügedən vəziyyətin "yeni bir şey olmadığını" ifadə edərək deyib: "Bu, İsrail ilə Fələstin arasında yanan bir atəşdir və bəzi insanlar hələ də bu atəşə kibrit atmağa davam edir. Mən əminəm ki, HƏMAS-ın arxasında Rusiya və İran da var.
Zelenski Rusiya və İranın “günahkar” olduğunu iddia edib.
Şimali Koreyanın HƏMAS-ı dəstəkləyən ölkələr arasında olduğunu iddia edən Zelenski, "Qəzzada nə qədər Şimali Koreya sursatının olduğunu gördünüz. Bu bir faktdır, mütləq bir həqiqətdir" -deyib.
Qəzzaya “qaydasız” hücumlara eyham vuran Zelenski bildirib ki, qanunlardan və qaydalardan danışsaq, terrorçuların olduğu yerdə qaydalar yoxdur.
Nərgiz Liftiyeva,
Sitat.info