Özbəkistanın paytaxtı Daşkənddə olan Ərdoğan İqtisadi Əməkdaşlıq Təşkilatının 16-cı Zirvə Toplantısı çərçivəsində İran prezidenti İbrahim Rəisi ilə görüşüb.
Sitat.info xəbər verir ki, görüşdə İsrailin Qəzzaya hücumları nəticəsində yaranan humanitar böhran və həll yolu üçün atılacaq addımlar, Türkiyə-İran ikitərəfli əlaqələri və regional məsələlər müzakirə edilib.
Prezident Ərdoğan görüş zamanı İsrailin hücumlarına son qoyulmasının dünyada sülhə xidmət edəcəyini, İslam Əməkdaşlıq Təşkilatının keçiriləcək fövqəladə zirvə toplantısında ədalətli həllə nail olmaq üçün səy göstərməsi lazım olduğunu bildirib.
Türkiyənin zamin rolunu öz üzərinə götürərək problemi həll etməyə hazır olduğunu vurğulayan prezident Ərdoğan, İslam dünyasının ortaq mövqe sərgiləməli və İsrailə təzyiqləri artırmalı olduğunu da qeyd edib.
Görüşdə xarici işlər naziri Hakan Fidan, ticarət naziri Ömər Bolat, prezidentin kommunikasiya direktoru Fahrettin Altun, prezidentin baş müşaviri səfir Akif Çağatay Kılıç, AK Partiya baş katibi Fatih Şahin, MHP Samsun millət vəkili İlyas Topsakal və bəzi rəsmilər də iştirak ediblər.
Nərgiz,
Sitat.info