Qəzzada humanitar böhran başlayandan sonra 4 yanacaq tankeri, mətbəx balonlarında istifadə olunacaq qaz daşıyan 4 tanker, qida, tibbi ləvazimat və su da daxil olmaqla humanitar yardım daşıyan yük maşınları Misirdən Qəzza zolağına daxil olub.
Sitat.info xəbər verir ki, İsrail və HƏMAS arasında hərbi əməliyyatların dayandırılması, əsirlərin dəyişdirilməsi və Qəzzaya humanitar yardımların daxil olmasına imkan verəcək 4 günlük humanitar fasilə bu gün yerli vaxtla saat 07:00-da başlayıb.
İsrail Müdafiə Qüvvələrindən (IDF) verilən açıqlamada səhər saatlarında Misirdən Qəzza zolağına 4 yanacaq tankeri və mətbəx balonlarında istifadə olunacaq qaz daşıyan 4 tankerin Rəfah Sərhəd Qapısından keçdiyi bildirilib.
Yanacaq və qazın daxil olmasının ABŞ və Qətərin vasitəçiliyi nəticəsində münaqişədə humanitar fasilə haqqında saziş çərçivəsində həyata keçirildiyi vurğulanıb.
Fələstin Qızıl Aypara Cəmiyyətindən verilən açıqlamada qeyd olunur: "Fələstin Qızıl Aypara qrupları bu gün Rəfah Sərhəd Qapısından Misir Qızıl Aypara Cəmiyyətinin yardımı ilə doldurulmuş 2 təcili yardım maşını və 85 yük maşını aldı yük maşınları qida, su, tibbi avadanlıq və dərman kimi əsas ləvazimatları daşıyır".
Nərgiz,
Sitat.info
Misir humanitar fasilə zamanı Qəzza zolağına gündə 130 min litr dizel yanacağı və 4 qaz tankerinin girəcəyini açıqlayıb.
BU GÜN 39 FƏLƏSTİNLİ VƏ 13 İSRAİL DÖVLƏTİ AZAD EDİLƏCƏK
4 günlük humanitar fasilə çərçivəsində İsrail həbsxanalarında olan cəmi 150 fələstinli ilə Qəzzada 50 İsrailli məhbus dəyişdiriləcək. Qəzzadan olan qadın və uşaqlardan ibarət 13 israilli məhbusdan ibarət ilk qrup bu gün saat 16:00-da sərbəst buraxılacaq. Beynəlxalq Qızıl Xaç Komitəsi israilli məhbusları Rəfah Sərhəd Qapısına qədər müşayiət edəcək və onları İsrail ordusuna təhvil verəcək. Sərbəst buraxılan israillilər tibbi müayinədən keçmək üçün Təl-Əvivdəki xəstəxanalara aparılacaq. İsrail ilkin olaraq 39 fələstinlini azad edəcək.
Humanitar fasilə çərçivəsində yanacaq da daxil olmaqla humanitar yardım daşıyan yüzlərlə yük maşını Qəzzaya daxil olacaq.
HƏMAS-ın verdiyi açıqlamaya görə, Qəzzanın cənubunda bütün gün, şimalda isə yerli vaxtla saat 10.00-16.00 arasında hücumlar dayandırılacaq.