Qəzza zolağında 6 gündür davam edən humanitar fasilənin bir daha uzadıldığı açıqlanıb.
Sitat.info xəbər verir ki, dünən baş tutan girov mübadiləsində İsrailin azad etdiyi 30 fələstinli məhbus arasında Ahed Tamimi də var idi.
İsrail və HƏMAS məhbus mübadiləsi prosesini davam etdirmək üçün 6 günlük humanitar fasiləni ən azı 1 gün daha uzatmağa razılaşıb. İsrail Müdafiə Qüvvələrindən (IDF) verilən açıqlamada Qəzza zolağındakı qarşıdurmalarda humanitar fasilənin uzadıldığı bildirilib.
Açıqlamada humanitar fasilənin neçə gün uzadıldığı ilə bağlı heç bir təfərrüat verilməyib.
İsrail baş nazirliyindən verilən açıqlamada deyilir: "Son günlərdə razılaşmanın şərtlərinə uyğun olaraq İsrailə azad ediləcək qadın və uşaqların siyahısı verilib və bu səbəbdən atəşkəs davam edəcək".
Dünən gecə 30 fələstinli məhbus qarşılığında 16 məhbusu azad edən Həmas tərəfindən verilən açıqlamada humanitar fasilənin 1 gün daha davam edəcəyi açıqlanıb.
Nərgiz,
Sitat.info