“Kurtlar Vadisi”, “Bir Avuç Dəniz”, “Aşk Beklemez”, “Medcezir” kimi seriallarda tanınan usta aktyor Can Gürzap bir müddətdir müalicə aldığı xəstəxanada dünyasını dəyişib.
Can Gürzap mühüm kino, teatr və televiziya aktyoru, yazıçı və pedaqoq olub. 26 may 1944-cü ildə İstanbulda anadan olub.
İlk teatr təhsilini həm də sənətçi olan atası Rəşit Gürzapdan alan sənətçi 1962-ci ildə Kadıköy Maarif Kollecini bitirib, daha sonra Ankara Dövlət Konservatoriyası Teatr Fakültəsini bitirib və Londonda Mərkəzi Söz və Dram Məktəbində təhsil alıb. Ankara Dövlət Teatrında rejissor və aktyor kimi çalışıb.
Konservatoriyada müəllim kimi dərs keçib. TRT-də radio üçün çoxlu radio tamaşaları hazırlayıb. 1971-ci ildə Arsen Gürzapla ailə həyatı qurub. 1978-ci ildə İstanbul Dövlət Teatrının qurucu direktoru oldu. Tərcüməçi və ssenarist kimi də fəaliyyət göstərib.
Ayna,
Sitat.info