F-16 qırıcılarının Polşa, Rumıniya və Slovakiyadakı hava bazalarından havaya qalxması bu ölkələrin Ukraynadakı münaqişədə iştirakına bərabər tutulur.
Sitat.info “RİA Novosti”yə istinadən xəbər verir ki, bunu Rusiya Xarici İşlər Nazirliyinin nümayəndə heyətinin rəhbəri Konstantin Qavrilov deyib.
“Biz qəti şəkildə xəbərdarlıq edirik ki, NATO-ya üzv olan bu ölkələrin - Polşa, Rumıniya və Slovakiyanın ərazisindən F-16 qırıcılarının havaya qalxması Moskva tərəfindən onların Ukraynadakı münaqişədə iştirakı kimi qiymətləndiriləcək və Rusiyanı cavab tədbirləri görməyə məcbur edəcək. ", - Qavrilov bildirib.
Diplomatın fikrincə, Birləşmiş Ştatlar və onun peykləri artıq “hərbi doktrinaların müstəsna müdafiə yönümünə dair tərtibatların arxasında öz siyasətinin aqressiv xarakterini” gizlətmir və Rusiyanın qərb sərhədlərində təhlükəsizlik təhdidləri yaratmağa davam edir.
NATO dövlətlərinin milli və koalisiya doktrina prinsipləri hərbi gücdən istifadə etməklə əldə etməyi planlaşdırdıqları qlobal və regional üstünlük iddialarını birləşdirir.
Qavrilov daha əvvəl bildirmişdi ki, ABŞ və müttəfiqləri bu sahədə fundamental sənədlərin əsas müddəalarının pozulması səbəbindən silahlara nəzarət arxitekturasını məhv edirlər.
Onun sözlərinə görə, onlar hətta atıcı və yüngül silahların münaqişə zonalarına ötürülməməsinə dair razılaşmalara da məhəl qoymurlar.
Ayna,
Sitat.info