Azərbaycan və Türk dünyasının tanınmış yazıçısı, publisist Ənvər Çingizoğlunun həyat və yaradıcılığından bəhs edən sənədli film çəkiləcək.
Sitat.info xəbər verir ki, bu barədə Ənvər Çingizoğlunun Oğlu Erkin Beyzadə məlumat Verib. O, "Caucas Company"-nın sponsorluğu ilə çəkilən filmin 2024-ci ilin əvvələrində ictimaiyyətə təqdim olunacağını deyib.
Qeyd edək ki, Ənvər Çingizoğlu 1962-ci il mayın 10-da Cəbrayıl rayonunun Xudayarlı kəndində anadan olub. Azərbaycanlı yazıçı, publisist, geneoloq, Azərbaycan Jurnalistlər birliyinin (1987), Avrasiya Yazıçılar Birliyinin (2007) və Azərbaycan Tarixi Şəcərə cəmiyyətinin üzvü (2003) olub. Ənvər Çingizoğlu 2019-cu ildə Əməkdar mədəniyyət işçisi, 2012-ci ildə "Qızıl qələm" mükafatı laureatı ilə təltif olunub.
Ənvər Çingizoğlu 1994-cü ildən 2014-cü ilin mart ayınadək Azərbaycan Televiziyası Qapalı Səhmdar Cəmiyyətinin redaktoru, böyük redaktoru, şöbə müdiri vəzifələrində çalışıb. 2014-cü ilin mart ayından Azərbaycantelefilmin Baş redaktor müvini, "Soy" dərgisinin baş redaktoru olub.
O, 2022-ci il iyulun 10-da vəfat edib və Cəbrayıl Rayonunun Xudayarlı kəndində dəfn edilib.
Kənan
Sitat.info
