Dini ayinlərini tamamlayan və Məscidül-Əqsa daxilində sərbəst hərəkət edən dini qrupları bölgədə yəhudi ravvinlər və İsrail polisləri avtomat silahlarla müşayiət edir.
İsrail qüvvələri Qəzza zolağına hücumlara başladığı oktyabrın 7-dən bəri müsəlmanların Məscidül-Əqsaya daxil olmasına ciddi məhdudiyyətlər qoyur, hətta cümə namazı zamanı da yaşlılar istisna olmaqla, fələstinlilərin əl-Əqsaya daxil olmasına mane olur.
Sitat.info "TRThaber"ə istinadən xəbər verir ki, İsrailin işğalı altında olan Şərqi Qüdsün Köhnə Şəhərində yerləşən Əl-Əqsa məscidi, 26 oktyabr 1994-cü ildə İsrail və İordaniya arasında imzalanan sülh müqaviləsinə əsasən, İordaniya Vəqflər Nazirliyinə bağlı Qüds İslam Vəqfləri İdarəsinin himayəsindədir.
Halbuki fanatik yəhudilər 2003-cü ildən İsrailin birtərəfli qərarı və bəzi fanatik təşkilatların təşəbbüsləri ilə polisin müşayiəti ilə Məscidül-Əqsaya basqın edirlər.
Əl-Əqsa məscidini “Məbəd dağı” adlandıran radikal yəhudilər israilliləri orada yəhudi məbədi tikmək çağırışları ilə müşayiət olunan dini ayinləri yerinə yetirmək üçün Əl-Əqsaya basqın etməyə təşviq edirlər.
Qüds İslam Vəqfləri İdarəsi xəbərdarlıq edir ki, son illərdə fanatik yəhudilərin basqınları artıb.
Nərgiz,
Sitat.info