İsrail ordusu Livan ərazisindən göndərildiyi bildirilən pilotsuz uçuş aparatının (PUA) məhv edildiyini və Hizbullah "hədəflərinə" hücum edildiyini bildirib.
Sitat.info xəbər verir ki, Ordudan verilən açıqlamada, sözügedən PUA-nın İsrailin “Dəmir Qübbə” hava hücumundan müdafiə sistemi tərəfindən vurulduğu bildirilib.
Açıqlamada İsrail döyüş təyyarələrinin bu gün səhər və günorta saatlarında Hizbullah "hədəflərinə" hava zərbələri endirdiyi bildirilib. O da qeyd olunub ki, ötən axşam Suriyadan İsrailə atılan raketlərə cavab olaraq Suriyaya məxsus strukturlar, ordu tank atəşi ilə hədəfə alınıb.
Seymur Bənnayev
Sitat.info