Oleq Sinegubov qeyd edib ki, ruslar Liman-Kupyansk istiqamətində 100 mindən çox hərbi qulluqçu cəmləyib.
"Ruslar Liman-Kupyansk istiqamətində 100 mindən çox hərbçi cəmləşdiriblər. Ukrayna hərbçiləri Xarkov vilayətinin Tabaevka bölgəsində fəal şəkildə əməliyyat aparır. Silahlı qüvvələrimiz rusların yerləşdiyi yüksəklikləri ələ keçirməyə çalışırlar.
Sitat.info xarici KİV-ə istinadən xəbər verir ki, bu sözləri Xarkov Vilayət Hərbi Administrasiyasının rəhbəri Oleq Sinegubov deyib.
O.Sinegubov bildirib ki, rus qoşunları hər gün Sinkovka və Tabaevka istiqamətindən hücumlar etsələr də, nəticəsiz qalır:
"Tabaevkada düşmən taktiki uğur əldə etmək üçün aktiv hərbi əməliyyatlar aparır, lakin Ukrayna Silahlı Qüvvələri buna layiqli cavab verir. Hərbçilərimizin məqsədi düşmənin irəlilədiyi yüksəklikləri ələ keçirməkdir".
Məğrur,
Sitat.info