Xəbər verdiyimiz kimi, ötən gün Moskvada azərbaycanlı iş adamı Araz Ağalarova məxsus “Crocus City Hall” ticarət mərkəzində terror aktı törədilib.
Rusiya Fövqəladə Hallar Nazirliyi hadisə nəticəsində ölənlərin sayının 99 nəfərə çatdığını açıqlayıb. Terror aktı zamanı 146 nəfərin yaralandığı bildirilir.
Teleqram kanallarında ticarət mərkəzinin terror aktından sonrakı vəziyyətini əks etdirən fotolar yayılıb. Görüntülərdə faciənin baş verdiyi ərazidə FHN briqadalarının hələ də çalışdığı aydın olur.
