Moskvada "Crocus City Hall"a hücuma görə məsuliyyəti İŞİD öz üzərinə götürüb. Bundan sonra analitiklər növbəti terror hədəfinin Avropa ola biləcəyinə inanmağa başlayıb.
Sitat.info xəbər verir ki, bu barədə CNN məlumat yayıb.
"Xüsusilə, analitiklər Parisdəki Yay Olimpiya Oyunları kimi hadisələrə diqqət çəkirlər. "Crocus City Hall"a hücumdan əvvəl Avropa və Rusiyada başqa terror aktları da planlaşdırılıb", - məqalədə bildirilib.
Amerika Mərkəzi Komandanlığının komandiri, general Erik Kurilla qeyd edib ki, İŞİD ABŞ və Avropanın xaricdəki maraqlarına hücum etmək qabiliyyətindədir.