İsrail HHQ-nin İranın Dəməşqdəki konsulluğuna qarşı hücumu cavabsız qalmayacaq.
Sitat.info-nun məlumatına görə, bunu İran prezidenti İbrahim Rəisi sözügedən hücumla əlaqədar etdiyi müraciətdə bildirib.
İ.Rəisinin sözlərinə görə, İsrailin Dəməşqdə İran konsulluğuna hücumu beynəlxalq qaydaların açıq-aşkar pozulmasıdır.
İran prezidenti İsrailin bu hücumla öz məqsədlərinə çata bilməyəcəyini deyib.
Qeyd edək ki, dünən yerli vaxtla saat 17:00 radələrində İsrail HHQ-nin Dəməşqin Mezze məhəlləsini vurması nəticəsində azı 11 nəfər, o cümlədən, İran İslam İnqilabı Keşikçiləri Korpusunun (SEPAH) Suriya və Livan üzrə komandanı, general Məhəmməd Rza Zahedi və onun müavini Məhəmməd Hacı Rəhimi ölüb.