Ötən il Azərbaycan Televiziya və Radio Verilişləri QSC-də (AzTV) aparılan audit tədbirlərində üzə çıxan bir sıra nöqsan hələ də var.
Sitat.info xəbər verir ki, bunu Hesablama Palatasının sədri Vüqar Gülməmmədov deyib.
O bildirib ki, bu pozuntuların əksər hissəsinin aradan qaldırılması üçün televiziyanın rəhbərliyi tərəfindən təşəbbüslər irəli sürülüb.
Onun sözlərinə görə, bu istiqamətdə materiallar barədə qısa bir məlumat ictimailəşib:
"Aparılan auditin nəticəsi hüquq-mühafizə orqanlarına təqdim edilməyib. Orada sadəcə bir məsələ, podratçı tərəfindən eyni layihənin iki dəfə fərqli şəxslərə təqdim edildiyi aşkar edilib. Sırf bu məsələ araşdırılması üçün hüquq-mühafizə orqanlarına təqdim edilib. Məsələ aydınlaşıb və köçürülən vəsait dövlət büdcəsinə geri qaytarılıb”.