Lerik rayonunu Yardımlı rayonu ilə birləşdirən yolun üzərindəki yeganə körpünü sel aparıb.
Sitat.info xəbər verir ki, iki gündür yağan leysan yağışları körpünün uçmasına səbəb olub.
Belə ki, Ağqışlaq və Şingədulan kəndləri ərazisində, Ağçay çayı üzərində beton konstruksiyalı və dəmir borularla salınan körpünün uçması nəticəsində həmin kəndlərin sakinlərinin Masallı rayonu ilə əlaqəsi tamamilə kəsilib.
Qeyd edək ki, aprelin 12-si saat 10:00-a olan məlumata əsasən Azərbaycanın bəzi yerlərində hava şəraiti arabir yağıntılı olub. Lerikə düşən yağıntının miqdarı 23 mm-dək olub.