ABŞ-ın Kiyevə yaşıl işıq yandırmasından sonra Ukrayna ilk dəfə Rusiya ərazisini hədəfə alarkən ABŞ istehsalı olan HIMARS-dan istifadə edib.
Sitat.info-nun Rusiya mənbələrinin məlumatına görə, Ukrayna ilk dəfə olaraq Rusiya daxilindəki hədəfləri ABŞ istehsalı olan silahlardan atəşə tutub.
Rusiya Müdafiə Nazirliyi və rusiyalı hərbi bloggerlər hücumun HIMARS vasitəsilə həyata keçirildiyini bəyan ediblər.
Rusiyalı müharibə müxbiri Yevgeni Poddubnı Telegram kanalında bir neçə fotoşəkildən ibarət slaydın altında yazıb: "Rusiya ordusunun hava hücumundan müdafiə qrupları Belqorod vilayəti üzərində səmada 10-dan çox raketi məhv edib”.
Hələlik Ukrayna və ABŞ-dan məsələ ilə bağlı heç bir açıqlama verilməyib.
Sosial şəbəkələrdəki yazılarda Ukraynanın ümumilikdə 320-dən çox raket atdığı iddia edilir.
Bu yaxınlarda ABŞ və Almaniya Ukraynaya silahlarını Rusiya ərazisindəki hərbi hədəflərə qarşı istifadə etməyə icazə verib.
Nərgiz,
Sitat.info