Tehran meri Əlirza Zəkani İranda keçiriləcək prezident seçkilərindən geri çəkildiyini açıqlayıb.
Sitat.info xəbər verir ki, bu barədə İran KİV-i məlumat yayıb.
İyunun 28-də İranda 14-cü prezident seçkiləri keçiriləcək.
Qeyd edək ki, İranda növbədənkənar prezident seçkilərində namizədlər bunlardır: parlament sədri Məhəmmədbağır Qalibaf, parlament üzvü Məsud Pezeşkian, İranın ali rəhbəri ayətullah Seyid Əli Xaməneninin təhlükəsizlik şurasındakı nümayəndəsi Səid Cəlili, sabiq daxili işlər və ədliyyə naziri Mustafa Purməhəmmədi.
Bu gün İranın vitse-prezidenti Əmirhüseyn Qazizadə Haşimi də prezident seçkilərində namizədliyini geri götürdüyünü açıqlayıb.
Xatırladaq ki, mayın 19-da İran Prezidenti İbrahim Rəisi və onu müşayiət edən 8 nəfər helikopter qəzasında öləndən sonra növbədənkənar prezident seçkiləri elan edilib.