Kürdəmirdə sürücü 69 yaşlı qadını döyərək üzərindəki pulunu alıb.
Sitat.info APA-ya istinadla xəbər verir ki, hadisə Karrar kəndi ərazisində qeydə alınıb.
Naməlum şəxs idarə etdiyi avtomobillə Sığırlı kəndi ərazisindən Kürdəmir şəhərinə aparmaq üçün sərnişin qismində götürdüyü 1955-ci il təvəllüdlü Tubu Musa qızı Kərimovanı döyüb hədələyərək, üzərində olan 50 manat pulu alıb və ona qarşı digər qanunsuz hərəkətlər edib.
DİN-in Mətbuat Xidmətinin Şirvan regional qrupundan bildirib ki, əməli törədən şəxs polis əməkdaşları tərəfindən müəyyən olunaraq saxlanılıb.
Araşdırmalar davam etdirilir.