İtaliyanın cənubundakı aktiv vulkanlardan biri olan Etna yenidən kül və lava püskürüb.
Sitat.info İtaliyanın ANSA agentliyinə istinadən xəbər verir ki, Siciliya adasında yerləşən və hündürlüyü 3 min 30 metr civarında olan Etna dağı yenidən kül və lava püskürüb.
Kataniya hava limanını işlədən şirkətdən verilən açıqlamada partlayış nəticəsində atmosferə yayılan kül buludu səbəbiylə uçuşların müvəqqəti olaraq dayandırıldığı bildirilib. Açıqlamada bəzi sərnişinlərin yaxınlıqda yerləşən müxtəlif hava limanlarına istiqamətləndirildiyi bildirilib.
İtaliya Milli Geofizika və Vulkanologiya İnstitutunun açıqlamasında vulkanik fəaliyyətin intensiv olduğu və Etnanın yaydığı külün təxminən 8 kilometr yüksəkliyə çatdığı bildirilib.
Avropa qitəsinin ən yüksək aktiv vulkanı olan Etna dağında iyulun əvvəlindən bəri tez-tez vulkanik aktivlik müşahidə olunur. Vulkan 2023-cü ilin dekabrında güclü kül və lava püskürdükdən sonra bu ilin iyuluna qədər səssiz qaldı.
Türkan,
Sitat.info