İranda HƏMAS lideri İsmayıl Haniyənin ölümü ilə bağlı aparılan istintaq çərçivəsində 20-dən çox şəxs, o cümlədən yüksəkrütbəli hərbçilər həbs edilib.
Sitat.info xəbər verir ki, bu barədə xarici media yazır.
Xatırladaq ki, İsmayıl Haniyə iyulun 31-də Tehranda raket zərbəsi nəticəsində öldürülüb. O, avqustun 2-də Dohada dəfn olunub.
“New York Times” qəzeti mənbələrinə istinadən yazır ki, təhlükəsizlik xidmətlərinin onlarla əməkdaşı dindirilmək üçün saxlanılıb.
Həmçinin mərhum Haniyənin qaldığı qonaq evinin ştat işçiləri də saxlanılıb./ Qafqazinfo