ABŞ prezidenti Co Bayden ABŞ-ın Çikaqo şəhərində keçirilən Demokratik Milli Konqresdə partiyası ilə vidalaşıb, göz yaşları içində çıxış edib.
Sitat.info xəbər verir ki, bir ay əvvəl partiya üzvlərinin təzyiqi ilə namizədliyini geri götürən və estafeti Kamala Harrisə ötürən Bayden vitse-prezidenti ilə birlikdə əldə etdiyi nailiyyətləri sadalayıb.
Bayden bu addımlar sayəsində ABŞ-ı koronavirus pandemiyası zamanı dünyanın ən güclü iqtisadiyyatına çevirdiyini iddia edib.
2016-cı il seçkilərində Trampa qarşı uduzan Hillari Klinton da Baydeni Ağ Evə ləyaqət və təcrübə gətirdiyinə görə təbrik ediv və izdihamdan tərəfindən böyük alqış toplayıb.
Klinton deyib ki, Kamala bizi irəli aparacaq xarakterə, təcrübəyə və vizyona malikdir.
Digər tərəfdən, konqres qarşısında toplanan Fələstin tərəfdarları, demokratların İsrailə verdiyi dəstəkdən əl çəkmələrini tələb edən şüarlar səsləndiriblər.
Bayden çıxışı zamanı etirazçıların haqlı olduğunu və hər iki tərəfdən çoxlu sayda günahsız insanın öldüyünü bildirib.
Nigar,
Sitat.info
