Rusiya Hava Kosmik Qüvvələrinin operativ-taktivi və ordu aviasiyası Ukrayna mövqelərinə zərbələr endirib.
Sitat.info xəbər verir ki, bunu Rusiya Müdafiə Nazirliyinin rəsmisi, general-mayor İqor Konaşenkov deyib.
“Rusiya Hava Kosmik Qüvvələrinin operativ-taktiki və ordu aviasiyası Ukraynanın 26 hərbi obyektinə zərbə endirib. Onların arasında alayın komanda-müşahidə məntəqəsi, eləcə də Ukrayna ordusunun canlı qüvvə və hərbi texnikasının cəmləşdiyi 25 ərazi var. Zərbələr nəticəsində 150 hərbçi və 40-ya yaxın zirehli texnika məhv edilib”, - Konaşenkov bildirib
/Axar.az