“Ukrayna ordusu sutka ərzində Rusiyanın Kursk vilayətində daha 2 kilometr irəliləyib”.
Sitat.info “RBK-Ukraina”ya istinadən xəbər verir ki, bu barədə məlumatı Ukrayna Silahlı Qüvvələrinin Baş komandanı Aleksandr Sırski açıqlayıb.
“Kursk istiqamətində hücum əməliyyatı davam edir. Sutka ərzində qüvvələrimiz ayrı-ayrı istiqamətlərdə daha 2 kilometr irəliləyib”, - deyə Sırski qeyd edib.
Onun sözlərinə görə, Kursk vilayətində Ukrayna ordusu daha 5 kvadrat kilometr əraziyə nəzarəti ələ keçirib.
Xatırladaq ki, avqustun 6-sı səhər saatlarında Ukrayna ordusu Kursk vilayətində əməliyyat keçirib. Nəticədə Ukrayna SQ Kurskda 80-dən çox yaşayış məntəqəsinə nəzarəti ələ keçirib.